Деветгодишно дете со автомобил отишло на панаѓур

Деветгодишно дете од Реклингхаузен ноќе преку прозорец излегло од куќата и возејќи го автомобилот на родителите заминало на панаѓур. Полицијата го запрела на враќање.

Детето ноќта преку прозорецот од бањата се искрало од куќата и возејќи го автомобилот од своите родители заминало на панаѓур. Малиот возач поминал неколку километри и бил веќе на враќање, кога во 2 часот вчера утрото (11.05) го запрела полициска патрола, соопшти полициски портпарол. Притоа, детето имало среќа и останало неповредено. Без оглед што детето со перниче го поткренало возачкото седиште, едвај можело да гледа преку воланот. Автомобилот останал неоштетен, освен што при паркирање неискусниот возач удрил во жива ограда и се склопил ретровизорот. Заспаните родители за „излетот“ на момчето дознале дури кога полицијата го вратила дома.

Оставете коментар

Вашата адреса за е-пошта нема да биде објавена. Задолжителните полиња се означени со *

*