Што значи тоа за партијата: На конгресот на ЕПП – две делегациии од ВМРО-ДПМНЕ

ВМРО-ДПМНЕ ќе настапи поделена и на конгресот на Европската народна партија во Хелсинки. Освен актуелното раководство предводено од Христијан Мицкоски, поканети се и дел од разрешените доскорешни сопартијци.

Покана добиле претставниците од реформаторското крило на партијата, Костадин Богданов и Петар Богојески, како и поранешни високи партиски функионери, како Митко Јанчев и Никола Тодоров. Сите се поканети од првиот човек на Европската народна партија Жозеф Дол.

Според информациите на тв 24, Петар Богојески од реформаторското крило ја прифатил поканата исто како и Тодоров. Реформаторот Костадин Богданов пак, вели од објективни причини нема да отпатува за Хелсинки, а нема да присуствува ниту Јанчев.

Дел од реформаторите за Телевизија24 велат дека со поканата, Европската народна партија сака да испрати порака до актуелното раководство на ВМРО-ДПМНЕ во однос на внатрепартиските поделби и разрешувањето на членови. Од ВМРО-ДПМНЕ не коментираат, само велат нив ги преставува Делегацијата предводена од Христијан Мицкоски, во придружба Александар Николоски, Влатко Ѓорчев и Тимчо Муцунски

Лидерот Мицкоски, претходно на својотт Фејсбук профил најави дека, ќе се жали на политички прогон и ќе ги уверува европските десничари, дека политиките на ВМРО-ДПМНЕ се ориентирани кон ЕУ и НАТО.

„Го информирав господинот Вебер за актуелните состојби во државата. Му укажав на политичкиот прогон од страна на актуелната власт преку злоупотреба на државните институции. Освен за актуелната дневно-политичка состојба, го информирав и за внатрепартиските случувања и трајната определба на ВМРО-ДПМНЕ, за приоретизирање на евро-атлантските интеграции на Република Македонија.“ – напиша Мицкоски на фејсбук.

Инаку, на самитот во Хелсинки, Европската народна партија треба да избере свој кандидат за престедател на Европската Комисија.

Извор: 24ТВ

Leave a Comment

Your email address will not be published. Required fields are marked *

*