Уште еден од великаните на современиот фудбал ќе се повлече од активната спортска кариера. Андреа Пирло најави дека ќе отиде во заслужена пензија во декември, тогаш истекува и неговиот договор со Њујорк Сити.
Пирло е еден од најголемите плејмејкери во историјата и еден од најпознатите уникатните фудбалери од последните две децении. Публиката веќе нема да може да ужива во неговиот елегантен стил на игра, инспиративните одигрувања, хируршки точните пасови и смртоносните удари од далечина.
Сигурно на фановите ќе им недостасува она што италијанскиот диригент му го даваше на фудбалот, бидејќи играчи како него се појавуваат премногу ретко.
Но секогаш можеме да си спомнуваме некои од најголемите моменти од неговата кариера, какви за среќа има доволно.
Со речиси 1000 одиграни натпревари и 19 освоени трофеи, Пирло ќе се повлече како легенда.
Еве 6 од незаборавните моменти на врвови и падови во неговата кариера во Милан, Јувентус и италијанскиот национален тим.
- 2001 г. – Со негова асистенција тогашниот негов клуб Бреша се спасува од испаѓање во серија Б.
- 2005 г. – Промаши пенал од серијата за Милан, во финалето на Лигата на шампионите против екипата на Ливерпул.
- 2006 г.- Италија станува светски првак водена од неговата „диригентска палка“.
- 2007 г. – Го крева трофејот на ЛШ во ново финале против Ливерпул.
- 2012 г.- Пеналот во стилот на Паненка во голот на Англија за време на четвртфиналето на Европското првенство.
- 2015г. – Поразот од Барселона во финалето на Лигата на Шампионите.