fbpx
21.8 C
Skopje

7,3 милиони швајцарски франци за чиста вода за пиење во Делчево

АКТУЕЛНО

7,3 милиони швајцарски франци ќе бидат инвестирани во обезбедување на чиста вода за пиење во општина Делчево. Договорот со кој ќе се обезбеди подобро водоснабдување е потпишан денес и истиот обезбедува неколку конкретни придобивки:

  • Проектот се состои од неколку компоненти – изградба на пречистителна станица, продолжување на мрежата за водоснабдување до селата Ѕвегор и Габрово, како и инсталација на капацитети за производство на обновлива енергија, изјави Садула Дураки, министерот за животна средина.

Ова е првпат, Делчево да инвестира вака голема сума на пари за подобрување на квалитетот на водоснабдувањето во Општината:

  • Ова е првпат проект од ваков вид да се реализира во Делчево со чија помош неговите жители конечно ќе пијат чиста и квалитетна вода за пиење и е директно насочен кон зачувување на здравјето на жителите на општината, истакна Горан Трајковски, градоначалник на Делчево.

целиот проект се реализира со директна помош од Швајцарската Конфедерација, која донира 6 милиони швајцарски франци, а остатокот од 1,3 милиони е учество на државата и општината:

  • Свесни сме за значењето на водата како ресурс неопходен за опстанок на целокупниот живот на планетата, состојбата каде што имаме загадување на водата предизвикана од човечкиот фактор, неконтролирано и неефикасно искористување на водата, зголемената изложеност на екстремни хидролошки услови кои се резултат на климатските промени, бараат од сите нас да ја промомениме свеста и да го зачуваме овој вреден ресурс, рече Сибил Сутер Техада, амбасадорката на Швајцарската Конфедерација во Македонија.

Општина Делчево се надева дека со помош на Швајцарија, во периодот што следи ќе успее да изгради и прочистителна станица за третман на отпадни води.

Извор: ТВ СТАР

ПОСЛЕДНИ ОБЈАВИ

- Advertisement -