fbpx
4.8 C
Skopje

Албанија може да побара екстрадиција на Рамуш Харадинај

АКТУЕЛНО

Откако во понеделникот (24 април), албанскиот претседател Бујар Нишани му додели албанско државјанство на лидерот на Алијансата за иднината на Косово, Рамуш Харадинај, е можно Тирана да побара од француските власти неговата екстрадиција.
Според професорот по меѓународно право Исмет Салиу, врз основа на фактот дека Харадинај е веќе албански државјанин, Тирана може да ја побара негова екстрадиција.
„Во случај кога две држави трагаат по едно лице за едно и исто дело, тогаш предност има државата чиј државјанин е тоа лице“, посочува Салиу. На овој начин, според него, Белград нема никакви шанси Харадинај да биде екстрадиран во Србија. Рамуш Харадинај во моментов се наоѓа во Франција и нема право да ја напушти земјата. Судот во Колмар треба утре да одлучи дали тој ќе биде екстрадиран или ослободен. Поранешниот косовски премиер беше уапсен на 4 јануари врз основа на меѓународната потерница издадена од српските власти, поради обвинувањата дека за време на војната во Косово извршил воени злосторства.

ПОСЛЕДНИ ОБЈАВИ

- Advertisement -