Над 75.000 жители беа евакуирани во Солун со цел да се деактивира бомба која останала од Втората светска војна.
Според информациите воените експерти се обидуваат да ја неутрализираат бомбата, но се очекува оваа операција да потрае најмалку шест часа.
Жителите кој се сместени во оваа околина уште рано наутро со автобуси беа оддалечени од местото каде што е бомбата, на најмалку два километри радиус. Најмногу граѓани биле евакуирани во предградието Корделио, а во евакуацијата учествувале над 1000 полицајци и 300 волонтери.
