fbpx
24.8 C
Skopje

Борец го победи Вардар и во Велес ги однесе првите три бода во новата сезона

АКТУЕЛНО

Под посебни услови и во согласност со сите здравствените протоколи и пред празни трибини започна новата сезона 2020/2021 во ПМФЛ. Пред стадионот на југоисточниот влез на јужната трибина од страна навивачите на Вардар беше поставен транспарент со кој се порача дека дека љубителите на фудбалот се против играњето на фудбал пред празни трибини, а верните Комити го бодреа Вардар со песна од пред
стадионот.

Поглед.мк го проследи првиот натпревар од 1-вото коло од новата сезона во ПМФЛ во кој шампионот Вардар го дочека Борец од Велес на Градски каде гостите славеа со 0:1. Уште во 2-рата минута гостите од Велес поведоа so 1:0 по лошата проценка на одбраната на Вардар кога Радовиќ се најде сам пред голот на Вардар и погоди. Раното водство на Борец како да го збуни Вардар кој не успеа да се консолидира, а гостите од Велес се разиграа и имаа неколку изгледни прилики преку Радовиќ и Прелчец, а во 46 мин. Радовиќ повторно се најде сам пред голот на Вардар но биеше крај голот. На полувремето Борец заслужено водеше со 1:0. Второто полувреме започна надежно за Вардар тие се заканија преку Најдовски од далечина и преку Мицевски од слободен удар но голманот на Борец беше на висина на задачата, но гостите од Велес брзо ја ставија играта под контрола и повторно имаа неколку прилики благодарение на несигурноста во одбраната на Вардар. Повторно Радовиќ беше нерешлива енигма за одбраната на Вардар и лесно излегуваше како победник по што биеше неколку пати кон голот на Вардар, но голманот Илиќ ги покажа своите квалитети и беше најзаслужен што Борец не го зголеми своето водство.

Пред крајот на мечот Мицевски во 93 минута биеше безопасно кон голот на Борецm и натпреварот заврши со резултат 0:1 за гостите од Велес. Борец заслужено си оди од Скопје со 3 бода, а Вардар останува да се надева дека по проблемите кои што ги имаше во пресрет на почетокот на оваа сезона ќе се консолидира и ќе атакува на шампионската титула и оваа година. Останатите натпревари од првото коло во фудбалската лига се играат утре со почеток во 17:30 часот и тоа во Струмица, Беласица го пречекува Силекс, а Поглед.мк ќе ја проследи скопската пресметка во Ѓорче Петров помеѓу Македонија Ѓорче Петров и Работнички, Пелистер ќе се соочи со Академија Пандев, Ренова ќе ја пречека Струга, а во Чаир, Шкупи ќе игра против Шкендија.

ПОСЛЕДНИ ОБЈАВИ

- Advertisement -