fbpx
21.8 C
Skopje

Буфон го избра најтешкиот противник: Меси е неверојатен, но друг играч беше од друга планета…

АКТУЕЛНО

Џанлуиџи Буфон во ексклузивното интервју за „Тики Така“ откри дека има донесено конечна одлука околу тоа дали ќе ја продолжи кариерата по крајот на актуелната сезона, а покрај тоа што посочи дека истата ќе ја соопшти кога ќе мисли дека е правилно време за тоа, еден негов одговор од ова интервју привлече посебно внимание поради зборовите кои ги употреби за двајца неверојатни играчи.

Запрашан за тоа кој е најтешкиот противник со кој некогаш се соочил во фудбалот, легендарниот голман на Јувентус без многу размислување одговара дека тоа е неповторливиот бразилски „Ил Феномено“ Роналдо, напаѓач кој според него бил играч од друг свет и од друга планета.

Буфон во својата долга и неверојатна кариера за противници ги имаше и Лионел Меси и Кристијано Роналдо, но според него, ниту двајцата немаат технички квалитети како што имаше Роналдо.

– Најтежок противник? Роналдо „Ил Феномено“, тоа беше нешто неверојатно. Во таа ера на фудбалски гиганти беше многу тешко да видите некој со таква сила, со такво знаење, со таква брзина и со ткава техника. Мислам дека Меси сега има неверојатни и слични квалитети како него, но ја нема таа сила како Роналдо. Во тоа време се чинеше дека Роналдо е вонземјанин кој игра против луѓе, – потенцира Буфон.

ПОСЛЕДНИ ОБЈАВИ

- Advertisement -