fbpx
18 C
Skopje

Чавушоглу: Турција сака нормализација на односите со Германија

АКТУЕЛНО

Владата на Турција сака нормализација на влошените односи со Германија, изјави турскиот министер за надворешни работи Мевљут Чавушоглу во интервју за магазинот „Шпигел“.

„Нема основа за проблеми меѓу Германија и Турција. Ако вие направите еден чекор кон нас, ние ќе направиме два кон вас“, изјави Чавушоглу за германскиот весник.

Тој нагласи и дека Анкара е подготвена за соработка со лидерот на германските Зелени, Џем Оздемир, кој доколу неговата партија влезе во новата Влада на Германија, најверојатно ќе добие министерска позиција, при што се споменува дури и местото шеф на дипломатијата. Оздемир е со турско потекло и важи за еден од најжестоките критичари на претседателот на Турција, Реџеп Тајип Ердоган.

Но, и покрај повикот за нормализација на односите со Германија, Чавушоглу во интервјуто застана во одбрана на острите изјави на Ердоган, со кои тој ги нарече актуелните германски лидери нацисти. Минатата недела и турскиот премиер Бинали Јилдирим повика на отворање „ново поглавје“ во односите меѓу Турција и Германија. Односите меѓу Анкара и Берлин се влошија последнава година по обвинувањата на германските власти дека Ердоган врши политички чистки во земјата.

Извор: www.newsroom.mk

ПОСЛЕДНИ ОБЈАВИ

- Advertisement -