Голем број луѓе со коронавирус по закрепнувањето пријавија проблем со опаѓање на косата, а некои познати личности решија да го споделат со јавноста.
Една од нив е американската актерка Алиса Милано и хрватската новинарка Мирна Зидариќ, кои ја истакнаа оваа последица ова лето. Според истражувањето објавено на Healthline, опаѓањето на косата се смета за потенцијален долгорочен ефект на коронавирусот. Научниците забележуваат дека луѓето нормално исфрлаат помеѓу 50 и 100 влакна на ден, додека оние кои страдаат од коронавирус пријавиле масовно опаѓање на косата.
Прекумерното опаѓање на косата, според истражувањето, се случува 58 дена по инфекцијата. Во студијата учествувале 58 лица, од кои 14 имале проблем со опаѓање на косата. Од 14 од нив, само кај пет лица се повлекол проблемот, односно косата што падна повторно почна да расте. Ненадејно опаѓање на косата, пријавено од страдалници од коронавирус, е познато како телоген ефлувиум. Тоа е феномен кој почесто ги погодува жените, а се јавува по породувањето, поголемите операции, драстичното слабеење и ситуациите со висок стрес.
Научниците забележуваат дека се потребни дополнителни истражувања за подетални објаснувања. Сепак, опаѓањето на косата по инфекција со коронавирус не е само физичка, туку и психолошка последица, односно стресот што го носи болеста, туку и целокупната состојба со пандемијата. Студиите од мај, јуни и ноември 2020 година, поврзани со опаѓање на косата и лица кои страдаат од разни болести, покажаа дека ќелавоста се јавува најмногу кај оние луѓе кои биле позитивни на коронавирус