6.8 C
Skopje
Friday, March 29, 2024

ФОТО: Мајка и четири деца изгореа во пожар во Тетово

Голема трагедија изутринава ги вознемири жителите на тетовската „Горна чаршија“, каде во пожар животот го загубија мајка и нејзините четири деца.

Во огнената стихија која утрово околу 3 часот и 30 минути го зафатила нивниот семеен дом на улицата „Гоце Делчев“, бр. 185, успеале да се спасат свекорот и свекрвата кои спиеле на долниот кат од куќата. Тие успеале навреме безбедно да го напуштат домот кој бил зафатен од огнените јазици.

Во моментот кога се случила трагедијата, мајката, 39-годишната Фатиме Зулбеари, била сама со нејзините деца на горниот кат од куќата. Децата биле на возраст од четири до 13 години, три машки и едно женско.

Сопругот и татко бил ноќен чувар и не бил во домот кога се случил пожарот

Пожарот е изгаснат со интервенција на пожарникарите, но извори од истрагата велат дека сè уште се издига чад и саѓи од опожарената куќа.

Поради тоа сè уште е отежнат пристапот до местото каде што се наоѓаат телата на жртвите.

Сопственикот и жената биле на долниот кат од куќата и тие безбедно го напуштиле домот кога пламнал огнот. На горниот кат спиела снаата со четирите деца, додека нејзниот сопруг бил на работа“, велат извори од полицијата.

Жители на Тетово коментираат дека ваква трагедија досега не се случила во градот.

Причините за пожарот сè уште не се познати. Надлежниот обвинител од Основното јавно обвинителство – Тетово во моментов е на местото на настанот и во соработка со увидната екипа од Полициската станица – Тетово и Противпожарната служба врши увид.

поврзани објави

- Advertisement -
- Advertisement -

Последни објави

- Advertisement -