fbpx
11 C
Skopje

Георгиевски: Албанската платформа е поништување на Охридскиот рамковен договор!

АКТУЕЛНО

Поранешниот премиер и сегашен лидер на ВМРО НП, Љубчо Георгиевски во дебатната емисија „Аргументи“ на ТВ НОВА вели дека платформата на албанските политички партии е поништување на правилата на играта од Охридскиот рамковен договор.

„Јас ја читам 3-4 пати оваа платформа, ако гледаме членови и подчленови, таму има 50-тина точки кои треба ние допрва да ги решаваме како македонска држава.Чекајте сега, ако ние имаме 50 отворени точки со Албанците што треба да ги решаваме, што е сега Охридскиот рамковен договор? Јас ќе ве потсетам, ако до пред две години некој политичар во Макеоднија кажеше јас не го признавам ОРД, на него “ќе му се ставеше крст“ и од меѓународната јавност и од македонската јавност.

Ние сега, со платформата имаме уништување на Охридскиот рамковен договр. Според мене, ако треба за нешто да се дискутира, и за кое имаат повеќе легитимитет Албанците,  е да седнат и да речат сакаме да направиме ревизија на тоа што му фали на исполнување на ОРМ. Тоа е легитимно прашање и го разгледуваме ОРМ, ова е проблем, ова не е проблем итн… Меѓутоа вие ако го погледнете, ОРМ е ад акта ставен после овој документ“, вели Георгиевски.

Тој потенцираше дека истите луѓе кои ја создале кризата во 2001 година, а кои 12 години се на власт во Република Македонија, сега преку платформата сакаат продолжување на барањата од ОРМ односно продолжување на кризата во Република Македонија.

Поранешниот премиер нагласи дека во разговор со странците тој добил потврден одговор дека ОРМ ова е последното барање од страна на Албанците.

„Во разговорите со странците и претпоставувам сето тоа негде е запишано, јас отворено ги прашав дали ова е последниот договор, последните барања што Албанците ги имаат, вели Георгиевски и додава дека добил одговор “да тоа е последниот договор, после ова имаме мир и спокој на мултиетнички однос“, заклучи Георгиевски.

 

ПОСЛЕДНИ ОБЈАВИ

- Advertisement -