Германскиот министер за економија Питер Алтмаер падна од бината на „Дигиталниот самит“ во Дортмунд.
Според германските медиуми, по говорот, тој паднал од бината на лице.
Како што покажуваат видеата, Алтмаер ги промашил скалите кога се симнувал од бината. Медиумите наведуваат дека Алтмаер накратко се онесвестил и дека веднаш бил хоспитализиран.
Организаторите на митингот, по несреќата, ја испразниле салата во која се одржува манифестацијата, а лекарите од брза помош го прегледале министерот и го пренеле во болница.
Собирот продолжил откако Алтмаер бил пренесен во болница, а презентацијата на проектот за европска платформа за податоци е извршена без присуство на министерот.
Германската канцеларка Ангела Меркел попладнево ќе го посети Дигиталниот самит, кој, според најавата на Министерството за економија, е централна платформа за соработка меѓу политиката, економијата, науката и општеството за обликување на дигиталните промени.
Dortmund'daki konferansta konuşmasını yaptıktan sonra yerine geçmek isteyen Almanya Enerji ve Ekonomi Bakanı Peter Altmaier, tökezleyerek düştü. Düşüş anı kameralara böyle yansıdı pic.twitter.com/Gd8S9qeNia
— Noluyor (@Noluyortv) October 29, 2019
Алтмаер требаше да ги претстави плановите на своето министерство за европската „клауд“ мрежа.
