fbpx
2.8 C
Skopje

Го зедовме братот на жена ми во Германија за да му помогнеме, а тој не уништи

АКТУЕЛНО

Галама здраво. Јас потекнувам од скопското село Волково. Со сопругата и двете деца живееме во Германија десетина години. Успеавме од ништо да направиме еден пристоен живот, во кој и двајцата работиме, а нашите деца овде се школуваат.

Јас успеав да добијам работна дозвола во Германија поради мојата специфична струка. Јас сум заварувач, а овде физичките работници кои знаат занает во последните години се баш на цена. Се вработив во една фирма која произведува челични конструкции за градежништвото и одлично ми е. Сопругата работи во еден ресторан за храна за носење како готвачка.

Едното дете го донесивме од Македонија, а другото ни се роди овде. Со две плати, од кои мојата е повеќе од пристојна, овде добро се живее, но и може да се заштеди. Така успеавме да си купиме и автомобил, а во блиска иднина се надевавме да купиме и стан или куќа.

Но, ја направивме веројатно најголемата грешка во животот. На негово големо инсистирање, го прибравме братот на сопругата кај нас да живее, дури не се снајде. Тој работеше во Скопје како конобар по кафани, но во последно време имаше проблем со вените, ни падна жал и му дозволивме да дојде, за да работи овде.

Веднаш штом дојде, тој овде се ујдиса со некои срби од Ниш, кои работе матни работи. Наместо да си работи чесни работи, тој почна да покажува пари, а ништо видливо не работеше. Но и не фо напушташе нашиот стан. Нормално сестра му не му велеше ништо, па ниту јас, ми беше непријатно, ајде велам да не правам проблеми.

Еден ден, на врата ни затропаа двајца возрасни мажи и на српски јазик ни рекоа: Горан ни должи пари, 10000 евра, доколку во рок од два дена не ни ги исплатите, тешко вам. Се обидов да им кажам дека тој ни е само роднина и ние немаме врска со тоа што тој работи, но нив не ги интересираше. Само ми рекоја: Друг пат пак нека коцка.

Го седнавме Горан, тој, маж толкав почна да плаче и ни раскажа сè! Влегол два, три пати во автомат клуб и добил, потоа се залажал и почнал се почесто да игра, но и да им дава пари на оние што губеле, под камата. Бидејќи немал свои пари, земал и тој од србите под камата. Во еден момент се полажал и во една вечер изгубил околу 15 илјади евра. Ги изгубил и своите и тие што му ги дале. Понатаму можете да претпоставите што се случувало.

Со сопругата ги извадивме парите што ги чувавме за учество во стан и ги плативме на лихварите. Не требаше да му кажеме ништо. Горан си ги собра парталите и си замина за Скопје. Затоа, подалеку од роднини, барем моето искуство го кажува тоа.

С.П.

Овој текст е авторски и е спревземен со одобрение од редакцијата на Галама.

ПОСЛЕДНИ ОБЈАВИ

- Advertisement -