fbpx
13.8 C
Skopje

Ѓорчев: „Ако еден резервоар пред само неколку месеци се полнел за со 1500 денари, сега истиот тој резервоар се полни со 2400 денари

АКТУЕЛНО

Сведоци сме дека недела по недела, месец по месец, откако дојде Владата на Зоран Заев и Драган Тевдовски, цената на дизелот оди нагоре. Од 46 денари сега цената ќе биде 63 денари. Граѓаните на Република Македонија плаќаат енормно високи цени поради неодговорната фискална, буџетска и економска политика на Владата на Зоран Заев и Драган Тевдовски, истакна Владимир Ѓорчев, Пратеник на ВМРО-ДПМНЕ во Собранието на Република Македонија.

-Од тие причини, бараме и апелираме до пратениците од СДСМ, на предстојната Комисија за финансирање и буџет, како и до владините претставници од СДСМ и Зоран Заев да го прифатат разумниот предлог од ВМРО-ДПМНЕ, а тоа е да ја анулираат акцизата од 3,5 денари која што ја наметнаа на први јануари. Нека најдат начин да си го пополнат Буџетот, нека најдат начин да привлечат инвеститори, нека најдат начин да ги исполнат сите оние многубројни ветувања кои што ги ветија на граѓаните на Република Македонија. Овие високи цени на дизел горивото се одразуваат на секое семејство, се одразуваат на превозниците и на целата економија во целост, рече Ѓорчев и додаде:

„Ако еден резервоар пред само неколку месеци се полнел за со 1500 денари, сега истиот тој резервоар се полни со 2400 денари. Ако еден резервоар во камионскиот превоз од 1000 литри се полнел со една сума, сега со секое полнење  е поголемо за 3,5 денари по литар. Од тие причини поради растењето на цената на горивата се доаѓа до зголемување на цените во малопродажбата особено на производите за широка потрошувачка. Се влегува во една спирала на зголемување на цените, спирала на инфлација, а истовремено платите и пензиите во Македонија не растат“.

Пратеничката група на ВМРО-ДПМНЕ, потенцираше тој, достави предлог за раст на платите и пензиите, СДСМ го одби.

-Овие загрижувачки еконсомски индикатори треба некако да се пресретнат, треба да им се олесни работата на домаќинствата и индустријата и на тој начин ќе имаме какво такво ублажување на овие очигледни последици.

ПОСЛЕДНИ ОБЈАВИ

- Advertisement -