10.8 C
Skopje
Tuesday, March 19, 2024

ИНТЕРВЈУ СКОПСКО ЕХО: НА СКОПЈЕ МУ НЕДОСТАСУВА ВИСТИНСКИ ГРАДОНАЧАЛНИК КОЈ НЕ СЕ ЗАНИМАВА СО ДНЕВНА ПОЛИТИКА

 

За Синиша Евтимов, режисер од помлада генерација кој стана заштитно лице на современата македонска комедија, Скопје може да се доживува на најразлични начини. Но, она што е основно е тоа што во сите тие „изданија“ константна е неговата голема љубов кон овој град.

о Кога ќе кажете Скопје, кои мисли и слики Ви се појавуваат?

– Ми се појавуваат слики од различни периоди на целиот мој живот, па дури и периоди во кој не сум бил во него. Повеќето од нив поврзани со моето детство, мојата фамилија и местата и институциите кои ме направија она што сум денес: МНТ, МКЦ, ПМГ Колектив, Канал 103, ФК/РК Вардар, Метропол (96-2002)…

о Кое Скопје го сакате повеќе: Ова сега или тоа од порано?

– Скопје е сега и вчера и утре. Некогаш светол, некогаш сив, некогаш кич, некогаш ултра кул, модерен и застарен истовремено. Апсолутно несовршен, но вечно сакан. Многу често некој знае да каже: “у мое време беше боље”, и најверојатно е во право, затоа што зборува за сопствениот ракурс и контекст, не обрнувајќи внимание на духот на времето, какво и да е, ниту пак на курентните општествени околности. Секој Скопјанец има свое Скопје со свои тајни поради кои го сака својот град. Убеден сум во тоа дека секоја нова и мината генерација Скопјани има свои локални херои и локации поради кои тие мислат дека Скопје од нивно време е она правото. Јас се согласувам со сите нив.

о Што позитивно а што негативно влијаеше врз Вас живеењето во Скопје?

– Скопје е мојот дом и се обидувам бескомпромисно да го сакам со сите негови доблести и маани. Маневрирам помеѓу општествената и архитектонска какафонија, одбегнувајќи било какви влијанија. Но, ако веќе мора, ќе ги споменам оние кои ми помагаат да верувам дека живеам во метропола: Канал 103, МКЦ, МНТ, ПМГ Рекордингс, Скопје Џез Фестивал, Балкан Велики, Синедејс, Сетстат, Здраво Млади, Шпато…

о Што му дадовте Вие на Скопје?

– Врската е нераскинлива и ко-валентна. Моите претстави, особено оние на сцените на Македонскиот Народен Театар и Театар Комедија, како и музиката која ја креираме со ПМГ Колектив, се комплетна посвета на скопскиот дух и Скопје воопшто. Сепак чувствувам должност и лична одговорност никогаш да не престанам да креирам за и во мојот град.

о Со што најмногу се гордеете во Скопје?

– Ќе морам по трет пат, исто да одговорам. Да не станам досаден, прочитајте ги споменатите личности и институции, погоре во разговорот :).

Целото интервју прочитајте го на Скопско ЕХО – ОВДЕ 

поврзани објави

- Advertisement -
- Advertisement -

Последни објави

- Advertisement -