17 C
Skopje

ПОСЛЕДНИ ВЕСТИ

Интервју со М. Трендафилов Нанче, кандидат на ГДУ за градоначалник на Охрид: Бидете свои, заокружете број 4

ПОГЛЕД: Кој е М. Трендафилов Нанче и зошто се одлучи да настапи како кандидат на ГДУ?

Има ли поголем мотив од мотивот да влезеш во борба против „сивилото“ што ни го наметнаа, оставија двете „најголеми“ партии?! 28 години, едните лажат, другите мамат, заедно крадат а потоа се амнестираат! Време е домаќински и чесно да се избориме за Охрид да биде подобро место за живеење и попривлечен за туристите.

Активностите во здружението „Совест“, посебно поврзани со Али- пашината џамија и гледајќи ја немоќта на СДСМ и ДПМНЕ во 28 години да направат барем нешто за развојот на Охрид (освен меѓусебните обвинувања и препукувања), беше пресудниот момент за да се одлучам да се кандидирам за градоначалник за Охрид.

ПОГЛЕД: Која е вашата најголема мотивација за да го прифатите овој предизвик и да се соочите со две големи крупни риби во политиката ВМРО-ДПМНЕ и СДСМ?

Поголема мотивација и предизвик од тоа да се соочиш со овие две „крупни риби“ – НЕМА.
Пустошот што го оставија во овие 28 години, треба да е мотив за сите прогресивни сили да се обединат.

ПОГЛЕД: Бевте против идејата да се гради минарето на џамијата во Охрид и истакнавте дека истата се гради незаконски. Премиерот Заев рече дека е стопирана изградбата на минарето на џамијата бидејќи истата нема одобрение за градба. Кои се вашите информации и колку е точна изјавата на премиерот?

Бев и уште сум, тврдам дека минарето се гради незаконски. Сметам дека премиерот само добива во време. Од „ ништо “,заради срамни тезгарења се направи проблем. Точно е, бевме против минаре 32 метри , но точно е дека сакавме тука да се направи меморијален центар на цивилизации. Истражувањата тоа го имаат покажано. Ако се работеше професионално без мешање на политиката ќе немаше проблем.

ПОГЛЕД: Досега претходните градоначалници имаат ветено дека ќе изградат затворен базен во Биљанини извори, но сепак нивното ветување остана нереализирано. Колку Вие како градоначалник сериозно ќе пристапите кон реализирање на овој проект?

Ветувања, ветувања… Срамно е што Охрид нема базен. Со тоа сè ви кажав.

ПОГЛЕД: Дали уредувањето на кејот на Охридското езеро и околината на охридското пристаниште е дел од вашата програма, ако се земе во предвид фактот дека и за ова претходните градоначалници дадоа ветувања до граѓаните, но истите останаа нереализирани?

Да, но не заборавајте. Охрид не е само кејот, Охрид се и селата, целата околина, целиот југозападен регион. Како се вели , цело е кога е сè. Охрид ќе биде приказна , ако е средена целата општина, инаку сите даваа ветувања и пак ветуваат. Е затоа тука треба да одлучат кому тие ќе му веруваат.

ПОГЛЕД: Како ќе привлечете поголем број на инвестиции во Охрид и кои ќе бидат вашите главни приоритети како градоначалник?

Не можете да привлечете инвестиции туку- така. Прво се потребни услови . Никој не гледа дека си личен, секој гледа интерес. Не може ДУП- от да го прилагодуваш од случај до случај. Тука ќе се кршат копја. Еднаш тоа прашање мора да се затвори.

ПОГЛЕД: Што ќе им порачате на вашите противкандидати од ВМРО-ДПМНЕ и СДСМ?

За противкандидатите и како луѓе и како стручњаци имам одлично мислење но да внимаваат да не си го изгубат образот заради политиканаството во матичните партии. Ова не важи за кандидатот на Демократи.

ПОГЛЕД: За крај – кое е мотото на М. Трендафилов Нанче?

Домаќински,чесно. Со порака ,го имате најсилното оружје- ГЛАСАЧКОТО ЛИВЧЕ. Бидете свои. Заокружете број 4

Latest Posts

АКТУЕЛНО

Страшна вест од Кочани: Едно лице ја загуби битката со корона вирусот

Едно лице од Кочани, ја загуби битката со корона вирусот, потврдуваат за „Слободен Печат“ официјални избори од Општина Кочани односно градоначалникот Николчо Илијев. Веста ја...

Во соседството за карантин се користат мигрантски центри и шатори, во Македонија хотели и пансиони

Освен што се пред сериозен предизвик да го обезбедат јавното здравје дома, државите во оваа светска пандемија на коронавирусот се исправени и со извелкување...

Ако не се реагира на време, Кочани може да биде ново Куманово – истокот пред сериозен тест

Новите шест случаи на лица од Кочани заразени од коронавирусот беа повод градоначалникот на Општина Кочани Николчо Илијев да свика итна седница на Општинскиот...

Путин не дозволува да му се прекрши зборот: Доктор заврши зад решетки поради корона вирусот

Руските власти ја уапсија претседателката на независниот синдикат на лекарите, Анастасија Василиева. Таа го критикувала малиот официјален број на заразени со корона вирусот во...

Stay in touch

To be updated with all the latest news, offers and special announcements.