fbpx
18 C
Skopje

Иванов со честитки до Си Џинпинг по повод кинеската Нова година

АКТУЕЛНО

Претседателот на Република Македонија, Ѓорге Иванов му упати честитка на претседателот на Кина, Си Џинпинг по повод кинеската Нова Година.

„По повод кинеската традиционална Нова година, ми претставува особена чест и големо задоволство, во името на граѓаните на Република Македонија и во свое лично име, Вам и на пријателскиот кинески народ, да Ви упатам искрени желби за просперитет, благосостојба, мир и стабилност во Новата 2017 година. Со задоволство можам да констатирам дека севкупните односи меѓу Република Македонија и Народна Република Кина ги одликува искреното пријателство, заемна доверба и разбирање, изразени преку континуиран, плоден политички дијалог“, пишува Иванов.

Понатаму во честитката, Иванов истакнува и дека очекува дополнително јакнење и унапредување на соработката помеѓу Кина и Македонија.

„Истовремено, би сакал да го изразам моето искрено убедување дека и во Новата 2017 година, со заеднички заложби ќе продолжиме да го јакнеме нашето традиционално пријателство и ќе ја унапредуваме нашата добра соработка со поголем интензитет во сите полиња од заемен интерес. Дозволете ми, почитуван господине Претседателе, уште еднаш да го изразам моето длабоко почитување и да Ви упатам искрени желби за добро здравје, лична среќа и успех во Новата година“, стои на крајот од честитката.

ПОСЛЕДНИ ОБЈАВИ

- Advertisement -