fbpx
36.8 C
Skopje

Иванов: ВМРО-ДПМНЕ и СДСМ да се смират и сплотат околу државните интереси

АКТУЕЛНО

Претседателот на Република Македонија Ѓорге Иванов денес во 11 часот имаше свое годишно обраќање, но овој пат наместо од собрание, тој своето обраќање го одржа од претседателската вила на Водно.

Претседателот Иванов во годишното обраќање ги повика двете најголеми македонски политички партии, ВМРО ДПМНЕ и СДСМ, да се обединат и сплотат околу државните интереси на Република Македонија.

– Ако навистина ја сакаат оваа држава и ако навистина се грижат за македонскиот народ, ги повикувам да ја почитуваат волјата на граѓаните, бидејќи во омразата никој нема ниту иднина, ниту надеж, рече Иванов

– Преголемата партизација доведе до невидена поларизација на Македонија. Личната нетрпеливост помеѓу политичките елити се прелеа на целото македонско општество, истакна Иванов.

Во обраќањето Иванов говореше и за одлуката за аболиција, истовремено критикувајќи го Специјалното Јавно Обвинителство кое според него станало селективно и поларизирано, и кое, наместо инструмент за правда, се свело на инструмент за уцена на политичките противници.

„Како претседател на Република Македонија бев единствената институција со легитимитет и овластување да носи одлуки и наместо да бидам пасивен набљудувач, на отворен судир понудив решение за кризата. Понудив помирување преку помилување на сите кои на еден или друг начин се вклучени во политичката криза. Помилувањето беше единствениот начин да се замрзнат непријателските намери меѓу спротивставените страни и да се избегне анархија. Ме обвинуваа дека сум го прекршил уставот и законите, дека сум го помилувал криминалот во Македонија. Но, помилувањата воопшто не вклучуваат запирање на постапката за конфискација на нелегално стекнат имот. Ако некој крадел, ќе мора да го врати украденото и да плати за стореното“, рече Иванов.

Во своето обраќање Иванов, како неодговорно го нарече однесувањето на некои партиски лидери кои партиските и личните интереси ги ставиле пред државните интереси на Република Македонија, со што „се заборави да се биде политичар треба да се биде пристоен“, истакна Иванов.

Што се однесува до употребата на јазиците, тој изјави дека без попис на населението, не може да се бараат права што зависат од статистиката.
Иванов исто така порача дека приоритет на новата влада треба да биде зачувување на државноста. Тој во своето обраќање истакна дека очекува следната година да се направи попис на населението.

ПОСЛЕДНИ ОБЈАВИ

- Advertisement -