11.5 C
Skopje

Јорданоски: Младите мора да се борат да направат промена и да бидат инспирација за подобро утре

АКТУЕЛНО

ПОГЛЕД: Според досегашните информации, Вие ќе бидете носител во изборната единица 5 од Граѓанско Демократската Унија. Зошто еден млад човек како Вас се реши да се активира во еден прилично нов политички субјект на македонската политичка сцена?

Ова е прашањето што најчесто го добивам од својата фамилија и своите пријатели. Зошто се активираш кога знаеш дека тој свет е мрачен и полн со интриги? Зошто кога имаш комфорен живот и остварено семејство на кое може да му се посветиш и безгрижно да уживаш? Мојот потитички ангазман доаѓа од огорченоста и неправдата во општеството во кое живееме. Тое е исполнето со партиски војници, агенди и присвојување на државата за тие две структури. Впрочем ние како да не сме дел од државата, како да е тоа нивна приватна имовина. Тоа, пред се, е главната причина, но и останатите. Затоа што доктор стануваш преку партија, полицаец стануваш со партиска активност и државен административец стануваш со партиска книшка. Тоа е Македонија која не смее да продолжи да биде, чинам огромна жртва дадовме сите. Само за момент завртете се околу себе и погледнете каде Ви се браќата, сестрите, родителите, братучедите. Чинам 50% веќе работат некаде во Европа. Впрочем ќе тргнам од себе. Имам еден брат и тој е во Германија. Останатиот дел од фамилијата е распрскан по светот, нормално трагајќи по нормален и достоинствен живот. Не секојдневие во кое за еден извод од матично ви треба покритие од партија или некој познаник. Во спротивно ќе Ви недостасуваат документи и ќе чекате 3 недели. Тука мора да го споменам и клиентелизмот кој е длабоко навлезен во сите институции и кој дополнително ги урива сите надежи за нормална држава каде интелектуалците ќе бидат интелектуалци, историчарите историчари, докторите доктори, а не партиски војници со партиска агенда. Судството не функционира, правда е мисловна именка, инфраструктра не постои, здравството е заглавено 100 години наназад, образованието е уништено. Што повеќе да се каже? Впрочем сите тоа добро го знаеме, но не сакаме да ја напуштиме комфорната зона и да дадеме жртва за колективен успех. Јас одлучив да не го чекам Годо по дрво и сам да придонесам за подобра иднина на ова општество и понормална Македонија. Мора да дадеме личен пример и сите заедно да придонесеме и да докажеме дека вака не оди и дека Македонија и народот кој живее во неа не го залужуваат ова. Јас одлучив да не бидам набљудувач или да посегнам по најлесното и да заминам од својата држава. Тоа мора да запре! Младите мора да се борат да направат промена и да бидат инспирација за подобро утре. Мораме, ако не заради нас, тогаш заради нашите деца и идните генерации. Македонија е наша држава, а не само на ДПМНЕ и СДСМ! Тешко е и тој пат е трнлив, но бегајќи и давајќи квалификации дека не не бива, нема да промени ништо. Налесно е да се откажеш а најтешко да пробаш да промениш.

ПОГЛЕД: Што различно ќе понуди во својата програма ГДУ во Охрид доколку се распишат предвремени парламентарни избори за јули месец?

ГДУ, пред се, ќе се бори за подостоинствен живот на сите охриѓани а не на партиските војници. ГДУ ќе биде алатката за граѓаните да го кажат својот став и својата мака. Пред се, нашето залагање е за нормалните работи кои во моментов ги немаме и треба да ги имаме, како што се нормално здравство, нормална инфраструктура и нормално образование. Ова се трите столбови за нормално општество и развој. Тоа се трите сегменти кои во моментов ги немаме. Жалосно е што град од калибарот на Охрид, се уште, нема канализациони мрежи и пристапни улици. Ова се работи кои мора

ПОГЛЕД: Владата сака да отстрани 25 плажи – што мислите за тоа?

Ова е многу болна тема изминативе денови. Искрено сум изненаден од таквиот пристап на Владата за отсранување на сите 25 плажи, без притоа да даде простор на чесните и одговорните угостители да ја поминат сезоната. Потоа да се донесе нов закон и да се изнајде долготрајно решение за плажите во Охрид. Законот мора да се почитува и мора да важи за сите исто. Нашето мнение по оваа тема е децидно дека мора да се понуди долготрајно решение и дека сега не е моментот, бидејќи сме влезени во сезоната и дел од угостителите веќе вложиле капитал подготвувајќи се за сезоната. Согласни сме дека треба да се постапува и дека треба да се урива, но не во јуни. Зошто тоа не се направи во зимата? Или во кој било период од претходниве 4 години? Зошто не се понуди опција тој што уредно плаќал да добие простор да ја истера сезоната и потоа да се превземат тие ригорозни мерки. Искрено жалам што на овој начин се пристапи, бидејќи сметам дека ова не е вистинскиот начин и вистинското време. Да не заборавиме – туристичката сезона во Охрид ќе биде хендикепирана и веќе сега угостителите бележат огромни загуби. Со овој чекор дополнително уште 500 луѓе ќе останат без работа и Охрид ќе ги изгуби најпосакуваните дестинации како Куба Либре, Потпеш, Канео, Кадмо и други кој станаа посакувани места за туристите, прават голем приход во државата и хранат многу семејства. Мора да се разгледа опцијата после сезоната да се спроведува уредбата на Владата и да им се даде можност тие што плаќале уредно години наназад, да ја доработат сезоната.

ПОГЛЕД: Како сте задоволни од менаџирањето на корона кризата?

Кога човек ќе помисли на короната, по автоматизам помислува на затвор, психичка тортура и потоа на пандемија. Жалам што оставиле таков впечаток, но целиот процес околу пандемијата погрешно е менаџиран и има премногу пропусти. Три месеци полициски час кој некаде важи, а некаде не важи. Три месеци послициски час каде се издаваат дозволи за работа и за движење во полициски час. Три месеци во кои гледаме партиски надмудрувања но не и борба против пандемијата. Барем еднаш кога се работи за народот сплотено да се работи за негово добро, но во Македонија тоа барем засега не е возможно. Кога сме кај економијата и нејзиното менаџирање, тоа не се прави соодветно во изминативе 20 години, уште помалку при корона кризата. Македонија е премногу задолжена и тоа се зголемува во континуитет, но како никој да не е засегнат.

ПОСЛЕДНИ ОБЈАВИ

И Сашо Мијалков се прости од Амди: Беше легенда 102, 3 %, ќе бидеш долго запаметен на јавната сцена

Драг пријателе, Беше легенда 102,3%, вели Сашо Мијалков по повод смртта на Амбди Бајрам. – Со својата појава и уникатно однесување ке останеш долго запаметен...

Бројките се повторно страшни: За последните 24 часа од 1524 тестови, позитивни на Ковид-19 во земјата се дури 404 случаи

Во последните 24 часа се направени 1524 тестирања, а регистрирани се 404 нови случаи на ковид-19 во: Скопје 172, Куманово 15, Дебар 4, Штип 8,...

Васко Ефтов: Што не можел да направи Дурловски, а го зборувал? – дали поради ова Дурло го врати мандатот?

Веќе втор носител, од вкупно шест носители на изборните листи на ВМРО ДПМНЕ, си поднесе оставка во последните два месеци. Вчера, носителот на изборната листа...

ТАЖНА ВЕСТ Еден од најпопуларните политичари почина: Амди почивај во мир

На 64-годишна возраст денеска почина Амди Бајрам. Фокус доби потврда од болницата Жан Митрев, каде веќе бил донесен починат. Амди Бајрам пред само 6 дена...
- Advertisement -