fbpx
10 C
Skopje

Ковачев за Поглед: За нас е важно да ги заборавиме титовите комунистички лаги кои сакаа да ги разделат народите од Македонија и Бугарија

АКТУЕЛНО

Јас секогаш сум бил и ќе бидам за европската интеграција на Македонија, тоа сум го поддржувал и ќе продолжам да го поддржувам и во иднина. Сметам дека тоа е во интерес на граѓаните на Република Македонија, на граѓаните на регионот и на целата Европска унија.

Многу жалам за тоа што претседателот Макрон го направи. Тоа треба да се промени во најскоро време, се надевам во Загреб да се даде датум за отпочнување на преговорите. Во однос на средбата со македонскиот претседател Стево Пендаровски, таа беше позитивна, јас бев заедно со претседателот на нашата група на ЕПП и двајцата изјавивме поддршка за Македонија и започнувањето на преговорите. Ние сакаме договорот кој е склучен меѓу Македонија и Бугарија да дава резултати во својата имплементација. Се надевам дека тоа што не разделувало во минатото, пропагандата, фалсификувањето на историјата, да не продолжува да не разделува во иднината. За нас е важно да ги заборавиме лагите на титовите комунисти кои сакаа да ги разделат народите од Македонија и Бугарија, рече Ковачев во своето обраќање од Брисел за порталот Поглед.

Тој зборуваше и за изјавата на Пендаровски за Гоце Делчев, за работата на историската мешовита комисија од Македонија и Бугарија, за односите меѓу ВМРО-ДПМНЕ и ГЕРБ.

Со господинот Мицкоски се сретнавме во централното седиште на ВМРО-ДПМНЕ во Скопје. Таа средба беше во насока на продолжување на интеграцијата на Македонија во ЕУ. ВМРО-ДПМНЕ учествува конструктивно во работата на парламентот и би сакале да продолжи да ги почитува меѓународните договори, без разлика дали тоа им се допаѓа на Мицкоски односно на ВМРО-ДПМНЕ. Во однос на договорот со Бугарија, мораме да ги почитуваме фактите, затоа дадовме можност на историчарите да го кажат своето мислење базирано на фактите од соодветната епоха.

Изјавата за Поглед на европратеникот Ковачев погледнете ја во продолжение:

Posted by Pogled.mk on Thursday, December 5, 2019

ПОСЛЕДНИ ОБЈАВИ

- Advertisement -