9 C
Skopje

Лицемерие на ниво

АКТУЕЛНО

Политичката реалност во Македонија никако да се промени. Многу ветувања, малку остварувања.

Изборите во Македонија се единствениот период кога политичарите во Македонија почнуваат активно и ефективно да работат на подобрување на квалитетот на животот на граѓаните. Тоа е време кога оние кои ја добиле довербата од народот се трудат не само на збор, туку и на дело да покажат дека се грижат за граѓаните, за нивните секојдневни проблеми, за она што го мачи народот кој зад параванот им го дава гласот со цел да придонесат за реформи, економска благосостојба, подобро здравство и образование, развиена инфраструктура и вистинска европска иднина.

Европската иднина кај нас се сведува на ветувања, кои никако да се преточат во реалност. Реалноста е сурова и очајна. Се се сведува на зборот „Ќе“.

„Ќе направиме ова, ќе направиме она“ итн итн.. СДСМ е бледа сенка на ВМРО-ДПМНЕ. Она што го започна ВМРО, го продолжи СДСМ. Во секој предизборен процес слушаме како минималната плата се покачува, како пензиите се покачуваат, како се најавуваат реконструкции во студентските домови, како се преземаат таканаречни реформи во образованието, како се преземаат мерки за подобрување на здравството, како машините работат деноноќно на патишта, закрпување на дупки на локални патишта, како се се прави само за доброто на граѓаните.

Кога го гледаме сето ова човек си размислува дали навистина живее во Македонија и дали овие власти се наши или пак станува збор за некоја развиена и модерна држава во која властите навистина се грижат за својот народ и држава.

Го слушаме младиот господин Јаулески како зборува дека авионите и автобусите се полнеле и ја напуштале Македонија. Тоа е многу точно, но никако да слушнеме од младиот Јаулески дека неговите другари од претходната владејачка гарнитура на кои денес устите им се полни за тој масовен егзодус, во минатото не работеа активно за да го спречат.

Од друга страна, неговиот колега Дарко Каевски пак заборави на хорор сцените од студентските домови, заборави на студените радијатори и храна, заборави на мизерните услови во студентските домови и еве веќе трета година ветувањата ги продолжува во стилот на зборот „Ќе“. Го нема ни зборот С од студентски град, го нема ни зборот Р од реконструкција во студентскиот дом. Веројатно за да почне таа реконструкција и изградба на студентски град, ќе треба да им дадеме на овие од СДСМ уште 7 години за да го заокружат и тие 10 годишното владеење, со цел да се остварат сите овие нивни ветувања.

Ова се вика драги мои лицемерие на ниво. Кога се во опозиција се загрижени, се трудат да дојдат во ваша прегратка за да ви го удрат грбот во знак на поддршка, а потоа кога ќе дојдат на власт ве забораваат и наместо во прегратка, ве тапкаат по рамо!

Пишува: Симеончо М.

ПОСЛЕДНИ ОБЈАВИ

Д-р Караџовски: До последните капки пот од нос ќе работиме

Д-р Жарко Караџовски на денешната прес конференција напомена дека најголем број од пациентите се со лесна клиничка слика. Дел од симптомите се слабост малаксаност,...

Заврши најновата владина седница: Донесени се следните одлуки

Владата на Република Северна Македонија на денешната 15-та редовна седница ги усвои дополнувањата на ребалансот на Буџетот на Република Северна Македонија за 2020 година...

Ковачев: Наместо бугарски фашистички окупатор пред споменицоте да стои бугарска администрација составена главно од Македонци

Откако министерот за одбрана на Бугарија, Красимир Каракачанов во едно од своите телевизиски интервјуа се закани дека ќе испрати полк во Македонија кој ќе...
- Advertisement -