fbpx
17 C
Skopje

Македонија преку реми до дуел со норвежаните

АКТУЕЛНО

Македонската ракометна репрезентација одигра нерешено вечерва против Исланд, во рамките на последното коло од групната фаза на СП.

Македонија го отвори одлично натпреварот и поведе со 4:0, но Исланд брзо се врати и направи комплетен пресврт за 4:5. Во продолжение Исланд го диктираше натпреварот и се замина на полувреме со два разлика, 13:15.

Во второто полувреме Исланд продолжи со добрата игра и ја одржуваше предноста се до 50. минута кога Македонија дојде на минус 1. На пет минути до крајот Македонија израмни на 25:25 и најави трилер завршница. До крајот на натпреварот и двете репрезентации постигнаа по два погодоци за конечни 27:27, со кој резултат обезбедивме трето место во групата.

Најдобар стрелец во нашиот табор повторно беше Кире Лазаров со седум погодоци, следуваа Манасков и Ѓеоргиевски со по пет и Столе Стоилов со три постигнати погодоци.

Вреди да се напомене и одличната партија на голманот Колев, кој одбрани неколку клучни удари и го најави резултатскиот пресврт.

Македонија во осминафиналето за противник ќе ја има селекцијата на Норвешка.

ПОСЛЕДНИ ОБЈАВИ

- Advertisement -