fbpx
5 C
Skopje

Мицкоски оствари средба со грчкиот и кинескиот амбасадор

АКТУЕЛНО

Претседателот на ВМРО-ДПМНЕ, Христијан Мицкоски денеска оствари средби со Амбасадорот на Република Грција, Димитрис Јанакис, како и со амбасадорот на Народна Република Кина, Жанг Зуо, соопштија од опозициската ВМРО-ДПМНЕ.

-Теми на двете средби беа актуелните политички случувања во Република Македонија, предвремените парламентарни избори кои претстојат и предизвиците со кои Македонија се соочува на меѓународен план. Мицкоски потенцираше дека клучна стратешка определба на Република Македонија останува членството во Европската Унија и во НАТО, и токму затоа веднаш по преземањето на власта, ВМРО-ДПМНЕ веднаш ќе се посвети на исполнување на значајните реформи, но и создавање на силна економија со која државата и граѓаните ќе може да ги достигнат европските стандарди. Претседателот на ВМРО-ДПМНЕ истакна дека актуелната власт предводена од СДСМ потфрлила на исполнување на клучните реформи, ги наведе заробеното судство, криминалот и високата корупција од страна на функционерите на власта при што ги посочи случаите Рекет 1 и Рекет 2 за кои немаше соодветна истрага а ниту се блиску до правна завршница, соопштија од партијата.

Мицкоски нагласи дека во Република Македонија неопходно е итно враќање на владеење на правото и дека мора конечно да се расчисти со криминалот и корупцијата кои го достигнаа зенитот откако е СДСМ на власт.

ПОСЛЕДНИ ОБЈАВИ

- Advertisement -