Членовите на новата Влада денеска беа на прием кај претседателот Стево Пендаровски
На премиерот Зоран Заев и членовите на Влада на Република Северна Македонија им посакувам успех и да ја оправдаат довербата дадена од граѓаните. Успешно да работат на клучните прашања за државата – европската интеграција, борба со корупцијата, зајакнување на економијата и подобрување на животниот стандард на граѓаните, рече претседателот Пендаровски
Фејсбук статус на Борислав Крмов од Левица
Вечерва владеачкото (во тој момент уште неизгласано) мнозинство внесе пратеник во Собранието на Република Македонија, болен или сомнителен на Covid-19, само неколку минути пред полноќ! Во непозната просторија само за да гласа. Бевме известени буквално 2 минути пред гласањето за избор на Влада. Неколку работи ме интересираат:
-Ако и болен со треска може да влезе во Собранието зошто тогаш на влез на сите ни мерат температура?
-Дали службите мене или било кого од опозицијата ќе не пуштеа внатре во Собрание, ако имавме температура или било какви симптоми исто како него?
-Ако не, тогаш како е тој пратеник над другите 119 пратеници?
-Дали ако во иднина 2, 5, или 10 пратеника од владејачкото мнозинство заболат од Covid-19 планираат да ни ги носат во Собранието по непознати простории да гласаат, само да се одржат на власт?
Владата му диригира на Собранието што сака и е спремна здравјето на сите пратеници и собранискиот персонал да го стави на ризик само за да продолжи да владее. Се соголивте уште првиот ден!