fbpx
23.8 C
Skopje

Од СДСМ со реакција за барањето на Мицкоски – на повидок крај на политичката криза во државата?

АКТУЕЛНО

Откако денес лидерот на ВМРО-ДПМНЕ, Христијан Мицкоски побара од Зоран Заев да се откаже од Договорот со Грција, а потоа да одат на избори и да се формира ново јавно обвинителство, со одговор се јави и пратеникот од редовите на СДСМ, Костадин Костадинов.

Костадинов е личноста која во последниот период најчесто ги дава изјавите и соопштенијата на владеачката партија, па неговиот денешен став е веројатно многу повеќе од лично мислење.

Преку својот Фејсбук профил, тој му одговори на барањата на Мицкоски:

Денеска од Христијан Мицкоски ја слушнавме истата стара приказна, на нова повторувачка прес конференција.

Фејсбук статусот на Никола Груевски напишан во афект во 3 часот по полноќ, излезе низ устата на Христијан Мицкоски.

Мицкоски сонува за две опции: Прво, Македонија да му даде амнестија на Груевски, второ Македонија да се откаже од НАТО и ЕУ.

Единствено за Мицкоски, и само за него, договорот со Грција е мртов. Во момент кога цел свет дава поддршка на Македонија, Мицкоски му врти грб на целиот свет, само за да го спаси Груевски. Мицкоски е против цела Македонија и против целиот демократски свет.

Она што Мицкоски денеска го побара е спротивно од она што граѓаните го очекуваат и заслужуваат.

Затоа, бадијала сонува, овие желби на Мицкоски нема да се остварат.

Огромно мнозинство од над 80% од граѓаните се за НАТО и ЕУ и затоа стратешката определба на Македонија мора да биде почитувана.

Ако раководството на ВМРО-ДПМНЕ и Христијан Мицкоски по секоја цена одат спротивно од тоа, тогаш единствен излез се предвремени парламентарни избори, организирани веднаш.

Истото тоа огромно граѓанско мнозинство очекува правда над криминалите на фамилијата.

Затоа, нема амнестија за криминалот. Македонија ќе биде членка на НАТО и ЕУ, без разлика дали Мицкоски се противи на тоа или не.

ПОСЛЕДНИ ОБЈАВИ

- Advertisement -