17 C
Skopje

ПЕТ РАБОТИ КОИ ТРЕБА ДА ГИ ЗНАЕТЕ ЗА КОРОНАВИРУСОТ

АКТУЕЛНО

Јанчев со амбиција да го преземе ВМРО-ДПМНЕ- како што вели најмоќната партија во Северна Македонија

Градоначалникот на Кавадарци од редовите на ВМРО- ДПМНЕ и поранешен потпретседател на партијата, Митко Јанчев, во интервју за „Фокус“ ги открива своите идни планови...

139 нови случаи на ковид 19, оздравени се 534 пациенти, починати се 6 лица

Министерството за здравство информира дека во последните 24 часа се направени 1377 тестирања, а регистрирани се 139 нови случаи на ковид-19 во: Скопје-36, Куманово-11,...

ОН загрижени поради расизмот и дискриминацијата на Ромите

Специјалниот ополномоштеник на ОН за малцинства предупредува на засилена дискриминација на Ромите во светот во време на корона. Освен тоа, постои и омраза кон...

Коронавирусот се прошири во повеќе од 170 држави ширум светот и паралелно со тоа се шират и митов.

Досега заразени се повеќе од 435.000, излечени се повеќе од 111.000, а починаа речиси 20.000 луѓе.

Маските не се така корисни

Иако сѐ повеќе луѓе носат маски, нема многу докази за тоа колку маските навистина штитат од вирусот.

Тоа е така бидејќи не ги покриваат очите, лабави се и не можат да се носат подолг период, па треба често да се менуваат.

Светската здравствена организација даде неколку совети кога станува збор за заштита од коронавирусот:

-Со марамче покриете ги устата и носот кога кивате

-Фрлете го веднаш марамчето во канта за отпадоци

-Потоа измијте ги рацете со сапун (тоа треба често да се прави)

-Држете се подалеку од луѓе кои кашлаат или киваат (најмалку еден метар)

Тоа што не треба да се прави е да се прави „гаргара“ со средства за чистење на грлото и да се полни носот со солена вода.

Ништо од тоа нема да ви помогне од коронавирусот.

Вирусот не може да се добие од животни

Не постојат докази дека играјќи со куче или маче може да се заразите со новиот вирус.

Тоа не значи дека веднаш по играњето со животно не треба веднаш да ги измиете рацете со сапун и топла вода. Дури и слатките пудли можат да пренесат бактерии како што е ешерихија коли или салмонела.

Научниците сметаат дека новиот облик на коронавирусот потекнува од пазар во кинескиот град Вухан, а изворот е некое диво животно. Но тоа не значи дека сите животни во вашата околина се опасни и шират вируси.

Ретко е убиец

Поголемиот дел од заразените ќе почувствуваат благи симптми (кашлање и висока температура) и брзо ќе оздрават, сметаат експертите.

Меѓутоа, некои сериозно заболуваат (воспаление на белите дробови, проблеми со дишењето).

Сепак, и грипот кој кружи секоја година исто така убива луѓе.

-Ризикот е мал во споредба со сезонскиот грип, вели професорот Џонатан Бол од Универтитетот во Нотингем, додавајќи дека личната хигиена секогаш е вид на заштита.

Нема лек

Сѐ уште нема вакцина за новиот вирус, а на него не делуваат сите антибиотици, а поголемиот дел од луѓето сами закрепнаа.

Научниците работат на вакцина, но таа прво треба да помине низа на тестирања, така што нема за скоро да биде во комерцијална употреба.

Иако вирусот може да се добие од кој било, најранливи се старите и луѓето со здравствени проблеми како астма, срцеви болести, рак и дијабетес.

Бројот на заразени во светот расте, но исто така, и бројот на оние кои закрепнуваат без последици.

Безбедно е да се јаде кинеска храна

Нема причина да се избегнува кинеската храна. Коронавирусот може долго да преживее на надворешните површини и затоа треба често да се дезинфицираат сите површени.

ПОСЛЕДНИ ОБЈАВИ

- Advertisement -