fbpx
8 C
Skopje

ПМФЛ: Работнички го изненади Пелистер, останатите фаворити сигурни (ВИДЕО)

АКТУЕЛНО

Денес на стадионите ширум државата се одигра 22. коло од Првата македонска фудбалска лига, каде во дербито на колото Работнички на гостински терен го победи Пелистер со 0:1.

„Зелено-белите“ од Битола беа фаворити во пресрет на оваа средба, но Елмас со неверојатен гол во 60. минута му донесе важни три бодови на Работнички.

Актуелниот шампион и лидер на табелата, тимот на Вардар пред своите гледачи рутински ја совлада Брегалница со 2:0. Головите за победа ги постигнаа Блажевски и Петковски во 88. и 90. минута од натпреварот.

Убедлива победа на домашен терен оствари и Шкендија, која воопшто немаше проблем со Победа славејќи со 4:0. Меџедовиќ, Вујчичќ, Ибраими и Жуниор беа стрелци на головите.

Во Кратово домаќинот Силекс славеше убедлива победа над Македонија Ѓорче Петров со 4:2, додека на Чаир Шкупи со пресврт ја совлада Ренова со 3:2.

ТАБЕЛА: Вардар 50, Шкендија 44, Работнички 36, Пелистер 36, Силекс 31, Ренова 28, Шкупи 21, Победа 19, Македонија ЃП 16, Брегалница 12.

ПОСЛЕДНИ ОБЈАВИ

- Advertisement -