Слободното влегување на државјаните на ЕУ во Велика Британија ќе биде на сила уште најмалку пет години, соопшти британската премиерка Тереза Меј.
Премиерката на Велика Британија изјави дека Британците мора да ги стават под контрола своите граници, но дека тоа не значи забрана за слободен влез на граѓаните на ЕУ.
На Велика Британија ќе ѝ требаат најмалку три години за целосно да се отцепи од ЕУ.
На прашањето дали слободата на движење на државјаните на ЕУ ќе престане откако Велика Британија ќе ја напушти Унијата во 2019 година, Меј рече дека на компаниите и на граѓаните треба да им се даде време да се навикнат на новонастанатата ситуација по Брексит и дека во согласност со тоа ќе се воведе и одреден имплементациски период.