Во Португалија деновиве во централниот и северниот дел од државата беснеат стравични пожари кои досега однесоа најмалку 41 жртва.
„Бројот на загинати од 37 се зголеми на 41, повредени се 71 лице од кои 16 тешко“, изјави потпаролот на португалската цивилна заштита.
Пожарот дополнително го распламна и ветерот кој го следеше ураганот Офелија на Атлантикот. За Португалија ова е реприза на 17 јуни годинава кога беше најсмртоносниот пожар кој однесе 64 човечки животи, а повреди 250 лица.