Некои хороскопски знаци изневеруваат бидејќи не можат да ги исполнат своите сексуални фантазии со својот партнер односно имаат силен сексуален нагон, некои поради недоволно внимание од страна на партнерот, а трети бидејќи не можат да ги преболат своите поранешни партнери.
Кои се четири знаци што се најневерни?
Скорпија
Луѓето родени во овој знак имаат силен сексуален нагон, што може да ги доведе до ситуација да го изневерат партнерот, особено ако нивниот однос не е доволно страстен. Кога Скорпиите ќе видат нешто што ќе им се допадне, без разлика дали се работи за друг човек или нешто материјално, ќе направат сè за да го добијат тоа. Тука спаѓаат и лажењето и манипулациите, доколку е потребно.
Од друга страна, познато е дека припадниците на овој знак се многу лојални партнери кога ќе се вљубат искрено и ќе направат сè за да успее врската. Сепак, многу се фокусирани на сексуалниот однос и тој им е мерило за тоа колку е врската успешна.
ВАГА
Кога ќе дојде до некаков проблем во врската, Вагата ќе направи сè за да ја среди ситуацијата. Но Вагите не сакаат конфликти и ќе се обидат да ги одбегнат по секоја цена. Понекогаш се преправаат дека не знаат што се случува, заради мир во куќа.
Иако луѓето родени во овој знак не се склони кон неверство, ќе го направат тоа за да се чувствуваат подобро или за да се почувствуваат повторно пожелни. Понекогаш едноставно сакаат да ја исполнат празнината што настанала во лошата врска. Многу често ги обновуваат врските со поранешните партнери. Освен тоа, кога се излезени со друштво често праќаат сигнали дека се расположени за флерт, а тоа само ги зголемува шансите да го изневерат партнерот.
ЛАВ
И врапчињата знаат дека Лавовите сакаат да бидат во центарот на вниманието и тешко можат да им одолеат на луѓето кои ги третираат како кралеви. Нивното его и самодоверба може да им бидат привлечни на другите, поради што многу често го привлекуваат туѓото внимание.
Ова е причината зошто шансите да тргнат по патот кон неверството кај нив се поголеми, особено ако оној кој им се додворува го „пумпа“ нивното его. Понекогаш можат да се почувствуваат толку големи и важни што ќе помислат дека нивна должност е да ја делат својата љубов и тело со повеќе луѓе.
Стрелец
Луѓето родени во овој знак имаат немирен дух, многу се љубопитни и постојано трагаат по нови, возбудливи искуства. Многу се спонтани и често прават работи без да размислат за последиците.
Кога Стрелците се несреќни во врската, го изневеруваат партнерот со еден или повеќе љубовници. Нивната слободоумност и авантуристички дух се многу привлечни за другите. Кога тие изневеруваат, веднаш му признаваат на новиот љубовник дека се во врска и објаснуваат зошто се неверни.