Мислам дека на OJO им е криво што исказот на #Камчев не го објави медиум близок до нив а ова со пресумцијата на невиност и другите глупости што ги напишале ми се смешни знаејќи како функционира таму. За да добиеш навреме официјална информација од ОЈО треба да си пријател со некого… Или ќе почекаш да ја прочиташ од портали блиски до нив.
Самиот премиер на прес конференција кажа дека од медиуми чита одлуки и информации пред да ги објави самото обвинителство. Пред три дена одлуката не беше објавена нигде, два часа порано одредени медиуми објавија дека Јанева иде во притвор – реакција немаше. Како е можно одредени медиуми точно да знаат кога полицијата ќе ја притвори Јанева?
За самиот случај Рекет дознавме од медиуми и од новинарот Героски а не од ОЈО. А да не почнам да пишувам (ќе ми требаат 2 дена) какви се детали се објавуваа за 27 април додека траеше истрагата.
Заканите за тужби и острата реакција на ОЈО е само продолжение на владиниот акциски план објавен пред точно месец дена.
Дали има јавен интерес во тоа што е објавено?
Ако сите сакаме да го ослободиме судството од судии како онаа што се спомнува во текстот, ако сите се прашуваме зошто после 4 месеци истрага само 3 се во притвор, ако притворите дојдоа после објавувањето на снимката во ЛаВерита…Секако дека има јавен интерес!
Според мене, ова е само почеток на борбата на власта по секоја цена да го контролира онлајн просторот.
Фејсбук статус на новинарот Фуркан Салиу.