fbpx
11.8 C
Skopje

Влaдикaтa Пeтaр со порака дo нeвaкцинираните: За нив нема местo вo рajoт

АКТУЕЛНО

Митрополитот преспанско-пелагониски г. Петар во вчерашното гостување на телевизијата Алфа изјави дека луѓето кои одбиваат да се вакцинираат, на еден начин претставуваат потенцијални самоубијци, а за самоубијците, според Црквата, нема место во Царството небесно.

„Не сакам да ме разберете погрешно, но ако јас не се вакцинирам, а дојде до смртен случај, тогаш јас сум потенцијален, па дури и вистински самоубиец. А вие добро знаете дека на самоубијците не им е дозволено да влезат во Царството небесно. Јас го прележав ковидот и сега зборувам како човек кој ја искусил болеста. Јас бев во тешка здравствена состојба и само јас си знам како ми беше“, рече владиката Петар.

Тој додаде дека Црквата не е против оние што не сакаат да се вакцинираат од оправдани здравствени причини, но нејзин став сепак е дека секој треба да се имунизира, оти вирусот може да му го искомпликува здравјето и животот.

„Ние во Синодот сите сме вакцинирани, а и најголемиот број од свештениците се вакцинирани. И луѓе кои се вакцинирале во најмала рака можат да доживеат тешка здравствена слика, но ретко кој од вакцинираните со две дози не починале од коронавирусот. Треба сите да си се исповедаме, оти има многу личности кои асимптоматски го пренесувале вирусот, а не знаеле дека го пренесуваат.

На пример, како што вели светиот Василиј, жена која имала спонтан абортус и која не може да биде обвинета дека таа е причина за спонтаниот абортус, таа добива две години забрана за причестување.

Ние треба да бидеме сериозни кон оваа болест и мојот апел е сите сериозно да пристапиме и да не дозволиме да се шири пропагандата дека вирусот не постои или дека луѓето се чипуваат преку вакцината“, рече митрополитот.

ПОСЛЕДНИ ОБЈАВИ

- Advertisement -