fbpx
21.8 C
Skopje

Премиерот Заев со владина делегација во дводневна посета на Атина

АКТУЕЛНО

Конференцијата на угледниот магазин „Економист“ како тркалезна маса со Владата на Грција и учесници од регионот, оваа година е посветена на темата „Европа: Зајакнување на кохезијата во турбулентни времиња“ и е вруток на идеи и насоки за брз и ефикасен излез од кризата предизвикана од пандемијата со КОВИД-19.

Заедно со заменик-претседателот на Владата задолжен за економски прашања и за координација на економските ресори и инвестиции, Fatmir Bytyqi, заменик-претседателот задолжен за европски прашања, Никола Димитров – Nikola Dimitrov и министерот за надворешни работи, Bujar Osmani, ја започнуваме дводневната работна посета на Атина со учество на оваа конференција.

Од темите што се застапени со посебно внимание ќе им се посветиме на заедничките предлози и насоки за справување со економската криза и за лекциите што мораме да ги извлечеме од менаџирањето со КОВИД-19. Од конференцијата се очекува и придонес во креирањето на новата стратегија за кохезија и заедништво на Европската Унија, како и за клучната улога на јавните здравствени политики за успешно спроведување на излезните стратегии со КОВИД-19.

На предвидените средби со претседателката на Грција, Катерина Сакеларопулу и премиерот Мицотакис, како и со другите министри во Владата на Грција, ќе ја потврдиме нашата заедничка определба да ги подобруваме взаемните односи и да продолжиме да ја зајакнуваме довербата меѓу Северна Македонија и Грција како пример за добри односи во регионот.

Убедени сме дека во основата на тој дух на заедничка соработка лежи Договорот од Преспа, кој од двете земји нарави сојузништво кое е особено значајно во претстојниот период на подготовка на првата меѓувладина конференција за старт на преговорите на нашата земја со ЕУ под претседателство на СР Германија.

Дводневната посета на Атина и учеството на конференцијата на „Економист“ е добра прилика и за многу средби со претставници на бизнис заедницата на Грција како земја која е меѓу првите пет трговски и инвестициски партнери на нашата држава.

ПОСЛЕДНИ ОБЈАВИ

- Advertisement -