fbpx
29.8 C
Skopje

Путин со телефонска честитка до Асад

АКТУЕЛНО

Рускиот претседател Владимир Путин му честиташе на сирискиот претседател Башар Ал Асад за ослободувањето на градот Алепо за време на телефонскиот разговор, соопшти Кремљ, цитиран од „sputniknews.com“. Во соопштението на прес – службата се вели дека претседателот Путин истакнал дека сега главна цел се напорите за постигнување на мир.

Тој инсистирал на тоа дека „во моментов најважно е да се фокусираме над проблемите во однос на тоа како да се постигне мирно решение“. Путин истакнал дека задачата ќе се исполни претежно со постигнување на договор за траен престанок на сириската криза.

Овој успех стана можен благодарение на заедничките напори на сите оние кои се обединија во борбата против меѓународниот тероризам, е цитиран рускиот претседател во пораката на Кремљ.

Само ден порано Сирискиот претседател Асад најави дека враќањето на целосната контрола врз Алепо е победа значајна за неговите руски и ирански сојузници, како и за неговата сопствена земја.

Уште на 15 Декември Асад го прогласи градот за ослободен и со извесни прекини, започна евакуацијата на цивили.

ПОСЛЕДНИ ОБЈАВИ

- Advertisement -