fbpx
19.8 C
Skopje

Путин: Вооруженото обезбедување на амбасадата дејствува само на територијата на амбасадата!

АКТУЕЛНО

Рускиот претседател Владимир Путин одговарајќи за тоа зошто убиениот руски амбасадор немал лично обезбедување во моментот на убиството изјави дека постои општоприфатено правило според кое вооруженото обезбедување на одредена амбасада дејствува само на територијата на амбасдата, и надвор од оградениот простор не излегува со оружје.

Тој додаде дека тоа не е така само во Турција, туку во повеќе земји. Путин вели дека во други земји „земајќи ја предвид особеноста на процесите кои се одвиваат таму“, може да се договори за друг механизам за заштитат на руските дипломати.

Според весникот Milliyet  Анкара нема стандардна практика за доделување лично обезбедување на странските амбасадори. Таквите мерки се носат по индивидуални барања, а од руска страна немало такво барање, пишува весникот и додава дека амбасадорот Карлов на ваквите настани одел без обезбедување.

Убиецот, младиот турски полицаец Мевлут Мерт Алтинташ во галеријата влегол како полициски службеник, покажувајќи ја значката откако го активирал детекторот за метал со пиштолот кој го носел. Според последните полициски извештаи, тој последните две ипол години бил припадни на специјалните сили во Анкара, а од јулскиот пуч осум пати бил ангажиран во специјалната единици која се грижи за безбедноста на турскиот претседател Реџеп Тајип Ердоган, зад прстенот од личните телохранители.

По пукањето во амбасадорот и извиците на арапски јазик, откако насобраните ја напуштиле салата порачал дека „ќе го изнесат само мртов“. Тој подоцна бил застрелан од двајца припадници на министерството за внатрешни работи.

 

ПОСЛЕДНИ ОБЈАВИ

- Advertisement -