14 C
Skopje

СДСМ: Влогот во здравствените работници е влог во нашето јавно здравје – 2 месеца 20 % повисока плата

АКТУЕЛНО

Со навремени мерки ја ставивме состојбата со коронавирусот под контрола, успешно го амортизиравме првиот удар на епидемијата, а капацитетот на здравствениот систем во ниту еден случај не се оптовари.

Македонското здравство покажа дека има може навремено и ефикасно да се справи со заканите од глобалната пандемија со коронавирусот.

Сите ние сме благодарни за трудот и пожртвуваноста на здравствените работници во изминатиов период.

Но здравствените работници не можат сами да се справат со епидемијата. Секој од нас е еднакво важен во битката со коронавирусот.

За да ја одржиме епидемијата под контрола и да го заштитиме здравјето, мораме доследно да ги почитуваме мерките за заштита.

Оваа глобална криза покажа уште појасно дека здравството е еден од основните општествени столбови. Затоа, продолжуваме да вложуваме во одржлив здравствен систем.

Преку одговорни и стратешки политики ги зајакнавме професионалните капацитети на здравствените работници и создадовме услови здравствените работници својата иднина и кариера да ја гледаат во нашето јавно здравство.

Владата предводена од СДСМ сериозно вложи во човечкиот капитал во здравството во изминатите две и пол години. Влогот во здравствените работници е влог во нашето јавно здравје.

За период од две години дадени се повеќе од 5.000 согласности за вработувања во јавно-здравствените установи, ги зголеми платите на здравствените работници, даде повеќе од 1.000 согласности за специјализации и супспецијализации.

Во периодот од септември 2018 до февруари 2020, 4 пати е зголемена платата во здравството, основната плата на лекарот специјалист е зголемена за 40%, на медицинските сестри до 23%, на општите лекари за 25%, а на останатите здравствени соработници за 15%.

Ги зголемивме коефициентите за исплата на дежурства на здравствените работници. Некои типови на дежурства се зголемени за два до три пати за викенд.

За 15% го зголемивме капитациониот бод на матичните лекари од општа пракса, гинекологија и стоматологија.

И за првпат, оваа Влада ги плати приватните специјализанти за својот труд во висина од просечна плата на општ лекар.

Денес, тоа придонесе да имаме силно мотивирани здвраствени работници кои беспоштедно се борат со коронавирусот.

Денес, сите ние сме благодарни за сиот труд и пожртвуваност што нашите здравствени работници го вложија изминатиов период и од тие причини вработените во здравството кои се во првите борбени редови во битката со Ковид-19 ќе добијат награда од 20% од основната плата за 2 месеци.

Наградени ќе бидат сите здравствени и нездравствени работници вклучени во работата со пациентите заболени од коронавирусот – доктори, медицински сестри, но и болничари, транспортери, возачите во службата за итна медицинска помош во сите Јавно здравствени институции, болниците, институтите каде се правеа испитувањата.

Како одговорна партија посветена на заштита на здравјето на граѓаните, продолжуваме со мерки и политики што обезбедуваат ефикасен здравствен систем, вреднуван персонал и задоволни пациенти.

ПОСЛЕДНИ ОБЈАВИ

Бројките се повторно страшни: За последните 24 часа од 1524 тестови, позитивни на Ковид-19 во земјата се дури 404 случаи

Во последните 24 часа се направени 1524 тестирања, а регистрирани се 404 нови случаи на ковид-19 во: Скопје 172, Куманово 15, Дебар 4, Штип 8,...

Васко Ефтов: Што не можел да направи Дурловски, а го зборувал? – дали поради ова Дурло го врати мандатот?

Веќе втор носител, од вкупно шест носители на изборните листи на ВМРО ДПМНЕ, си поднесе оставка во последните два месеци. Вчера, носителот на изборната листа...

ТАЖНА ВЕСТ Еден од најпопуларните политичари почина: Амди почивај во мир

На 64-годишна возраст денеска почина Амди Бајрам. Фокус доби потврда од болницата Жан Митрев, каде веќе бил донесен починат. Амди Бајрам пред само 6 дена...

Рекорди се нижат: Се апелира на почитување на мерките – над 983 луѓе биле казнети за неносење маска

Во текот на изминатото деноноќие (23/24.10.2020) на територијата на Република Македонија, по однос на мерката за носење заштитни маски регистрирани се 983 прекршоци. Министерството за...
- Advertisement -