Соколов и Трајковски со полна агенда секој ден – се пожестока изборна борба во Делчево

Кандидатите за градоначалници на Делчево од СДСМ и ВМРО ДПМНЕ се со полна агенда секој ден и имаат поголема активност со секој изминат ден во кампањата. Имено, во текот на вчерашниот ден и двајцата кандидати придружувани од политичките подмладоци на своите партии го следеа натпреварот помеѓу фудбалскиот клуб Брегалница на соседското фудбалско дерби со ФК Малеш.

Кандидатот за градоначалник на Делчево од СДСМ Горан Трајковски заедно со претседателката на ОО СДСМ Мира Стојчевска присуствуваа на отварањето на младинскиот изборен штаб во Делчево, но и на отварање на изборен штаб во село Ѕвегор. Неговиот против кандидат од ВМРО ДПМНЕ Иван Соколов продолжи со посетите во населбата “Милково Брдо“ каде што пред граѓаните од оваа населба ја презентираше програмата на ВМРО ДПМНЕ.

И двајцата кандидати во своите говори најавуваат победа и тоа во прв круг. Она што е интересно е што и двајцата ја очекуваат поддршка на партијата на Љубчо Георгиевски и нејзините членови која изборни циклуси по ред, има изборен резултат со над 1. 200 гласови кои во ова градче можат да бидат одлучувачки.