fbpx
18.7 C
Skopje

Средба на Шекеринска со евроамбасадорот Жбогар

АКТУЕЛНО

Министерката за одбрана, Радмила Шекеринска денеска оствари средба со шефот на Делегацијата на Европската унија во Македонија, амбасадорот Самуел Жбогар.

На средбата Шекеринска се заблагодарила на ангажманот на мисијата на Европската унија за време на кризниот период и за континуираната поддршка.

– И покрај сите предизвици со кои се соочивме изминатиот период, охрабрува што земјата успеа да се придвижи напред. Се наоѓаме во ситуација во која се што ќе направиме на фронтот кон ЕУ ќе ни помогне за интеграција и во НАТО, порачала министерката.

Амбасадорот Жбогар, го поздравил видливиот оптимизам по воспоставувањето на новата Влада и нагласил дека прашањето за европската одбрана станува се поважна тема во ЕУ.

Жбогар ја истакнал улогата на Армијата на Република Македонија во справувањето со мигрантската криза за која нагласил дека претставува заедничко прашање. Тој изразил надеж дека Собранието на Република Македонија ќе донесе одлука за продолжување на мандатот на Армијата на јужната граница.

ПОСЛЕДНИ ОБЈАВИ

- Advertisement -