fbpx
14.8 C
Skopje

Утре е голем празник: Кој пред Преображение проба грозје да добие Епитимија

АКТУЕЛНО

Многумина се збунети во врска конзумирањето на грозје до празникот Преображение и го поставуваат прашањето зошто е тоа така? Ваквата практика постои уште од востанувањето на Успенскиот пост (податоците покажуваат дека е востановен околу 450 год. за време на Лав Велики). Во правилото (типикот) се вели:

Отец Димитар Арсовски:

„Ако некој од браќата јаде грозје пред овој празник да добие епитимија, бидејќи го презрел пропишаниот типик; на тој начин да привикнат и другите да го почитуваат типикот на светите отци… овој типик важи и за смоквите…“, објаснува свештеникот на МПЦ-ОА од Кочани, Димитар Арсовски на својот ФБ профил во врска со ова прашање.

Тој додава: „Грозјето како плод го симболизира Преображението на Христос (metamorphosis, μεταμόρφωσης). Симболиката е следната: како што од семка станува плод, од плодот се прави вино, за на крај виното на самата Света Литургија да се преобрази во вистинска крв на самиот Христос со која ние се причестуваме и стануваме заедничари.

Што се однесува до смоквите имам сретнато податок дека тие се благословуваат бидејќи според запишаното во Светото Писмо, на Велики понеделник Христос ја проколнува неплодната смоква (Мар. 11, 13-14). Не се сеќавам од каде ми е овој податок, некако ми е во магла и не го земајте како веродостоен здраво за готово.

Р. Ѕ. Да не заборавиме дека храната е секундарна работа во постот, да се концентрираме на примарната: молитвата, покајанието, добрите дела…“, вели Арсовски.

ПОСЛЕДНИ ОБЈАВИ

- Advertisement -