fbpx
19.8 C
Skopje

Ванковска: Каде се „Граѓаните за Македонија“ и „Шарените“ во преговорите? За ова ли се бореа?

АКТУЕЛНО

Универзитетскиот професор и колумнист Билјана Ванковска на својот профил на Фејсбук прашува каде се „Граѓаните за Македонија, „Протестирам“ и „Шарените“ сега во преговорите кои лидерот на СДСМ, Зоран Заев ги води со лидершипот на ДУИ. Ванковска јавно го прашува претседателот на СДСМ дали е свесен дека поради ваквото пазарење со Македонија само од врхушката на партијата на СДСМ, без отворена и демократска дебата, дека го води во нов пораз СДСМ.

Еве што напиша Ванковска на својот профил на Фејсбук

Со години не’ убедуваа дека Заев е поинаков партиски лидер, а дека граѓанското движење успеало да ја демократизира партијата однатре. Сега со денови преговараат за суштински прашања, и сета ситуација има дежа ву ефект на она што го правеа зад затворени врати цели 40 дена во 2004 година. Истакнати пратиски членови велат дека нема внатрепартиски консултации и дебати, туку за пазарењето договараат само врхушките. Сега, се прашувам, каде се „Граѓаните за Македонија“, „Протестирам“, Шарените итн.? За ова ли се бореа? И тоа во ситуација кога сите се свесни дека кој и да направи влада, таа ќе биде мртвородена – т.е. осудена да живее сосема кусо, бидејќи нема да може да биде функционална. Тогхаш зошто да се плати висока цена, за некакви барања од етничка платформа, за кусо владеење? Свесен е Заев дека СДСМ ги изгуби изборите токму поради ваквото пазарење со Македонија без демократска и отворена дебата? Ова е политика на уцени, и бескрупулозна битка за власт, веројатно со надеж дека ќе се пресметаат со „непријателот“, а за далекусежноста да склучениот пат, воопто не мислат. Денес со таксист си правиме муабет, и на мојата теза дека политичариве и родена мајка би продале за власт, тој ме коригира: не мајка, туку и родено дете ќе жртвуваат! Ете, тоа е мислењето на обичниот човек!

ПОСЛЕДНИ ОБЈАВИ

- Advertisement -