fbpx
18 C
Skopje

Жерновски во Линц на средба со водечките личности на градот

АКТУЕЛНО

Градоначалникот Андреј Жерновски продолжи со официјалната посета на Австрија. Денеска тој беше во Линц, кадешто оствари средби со водечките личности на градот и челниците на австриската економска комора.

Градот Линц е центар на австриската економија. Австрија пак е втор инвеститор во Македонија и многу важен партнер во трговската размена. Средбата со високи претставници на австриската економска комора е многу важен чекор во продлабочувањето на австриско-македонската соработка. Потенцијалните инвестиции ќе бидат од особено значење не само за Центар како општина, туку и за целата македонска економија.

На средбите се дискутираше и околу актуелните политичко-економски случувања во Македонија. Беше договорено, по формирањето на стабилна влада, да се реализира посета на автриски компании во Македонија и претставување на македонските компании во Австрија.

Попладнево, градоначалникот Жерновски ќе има и интервју за престижниот австриски дневен весник, Die Presse.

Со денешните средби, Жерновски завршува со службената посета на Австрија.

Вчера, тој оствари средба со градоначалникот на Виена, Михаел Хаупл, на која, се разговараше за можностите добрите практики од Виена да се воведат во Центар, се вели во соопштението на општина Центар

ПОСЛЕДНИ ОБЈАВИ

- Advertisement -