„Поглед.мк“ – погледни од твојата призма, погледни од реално око, погледни кон вистината за објективно и навремено информирање.
Проектот „Поглед.мк“ го стартуваме како нешто ново во новата 2017 година, нешто кое овој млад, но пред се добро поткован новинарски тим го планираше извесен период.
Пазарот е голем, конкуренцијата силна и мошне обемна. Нашата цел ќе биде и ќе се потрудиме да информираме точно и навремено, без никакви сензационалистички и непроверени вести познати како жолт печат. Особено акцент ќе ставиме на домашните случувања, политички, спортски, културни и од општествена сфера.
„Поглед.мк“ ќе се потрудиме и можеме да ви ветиме ќе го направиме парче место во кое секој еден од вас, од 7 до 77 години ќе може да пронајде она што најмногу го интересира.