fbpx
23.8 C
Skopje

Љубчо Георгиевски до загрижените македонци: Кога се веселите на свадба со српска музика, ви текнува ли тогаш на македонскиот идентитет?

АКТУЕЛНО

Интересно видео кружи на социјалните мрежи, во кое што екс премиерот на Република Македонија Љубчо Георгиевски зборува за идентитетското прашање на македонците.

Идентитетското прашање е прашање на малцинско прашање. Такво прашање може да дискутираат курдите во Турција, во ниту една друга самостојна и независна држава никој не бара некој друг да им го признае идентитетот. Кажете ми една држава која бара некој да и признае идентитет, ние си живееме во некои сопствени фрустрации, вели Георгиевски.

Притоа тој додава дека идентитетот е музиката на која се радуваш и песните кои ги пееш. Јас сите тие загрижени македонци кога ќе направат свадба и 100 % од музиката им е српска, им текнува ли тогаш на македонскиот идентитет, кога целата свадба ќе им е со српска музика? Тогаш треба да размислуваат за македонскиот идентитет, додава Георгиевски.

Содржината на идентитетот е во формите. Сме виделе ли таква фрустрација кај албанците. Во Косово беа тие поробени од србите. Во целата таа борба кажаа ли дека се борат за албанскиот идентитет.

На крајот прифатија и држава која ќе се вика Косово, а народот албански. Имаат ли проблем тие со идентитетот, кој треба да им го признае нивниот идентитет. Ние се уште не можеме да ја напуштиме сталинистичката концепција за национален идентитет а сакаме да бидеме модерна нација.

ПОСЛЕДНИ ОБЈАВИ

- Advertisement -