Изградбата на новиот пешачки мост на Каменичка Река, во близина на Градскиот пазар, е во завршна фаза.
Во моментов се врши поставување на украсен камен за мостот да добие идентичен изглед со останатите пешачки мостови и патеки на Градскиот кеј на Каменичка Река.
Со реализацијата на овој проект обезбедивме олеснето движење и зголемена мобилност за граѓаните од двете страни на реката, како и подобрен изглед на овој дел од централното градско подрачје.
Веднаш по завршувањето на градежните активности, следува партерно уредување на просторот и поставување на осветлување и урбана опрема.
