За време на престојот во Соединетите Американски Држави, одржав работна средба со претставници на National Democratic Institute (NDI).
Разговаравме за унапредување на демократските процеси, јакнење на институционалните капацитети и можностите за соработка во насока на поефикасно креирање и спроведување јавни политики, како и зголемување на транспарентноста и отчетноста на институциите.
Дополнително, беа разгледани можности за соработка преку склучување Меморандум за соработка за дигитализација на процесот на доставување на предлозите на закони и други материјали од Владата до Собранието, како и спроведување обуки за вработените од Генералниот секретаријат на Владата и Службата на Собранието, со цел унапредување на меѓуинституционалната соработка и ефикасноста на законодавниот процес.
