Министерството за одбрана на Русија започна да го намалува своето воено присуство во Сирија, информација што за јавноста ја сподели началникот на Генералштабот на вооружените сили на Русија, Валериј Герасимов.
Моќниот носач на авиони „Адмирал Кузњецов“ ќе биде тој што прв ќе го напушти воениот регион.
„Во склад со декретот на претседателот на Русија, Владимир Путин, рукото Министерство за одбрана започнува да го намалува своето присуство во Сирија“, изјави Герасимов.
Гордоста на руската војска, Адмирал Кузњецов“ во Сирија стигна во средината на октомври во придружба на три борбени брода и неколку други пловила како поддршка. Нивното присуство беше користено за изведување на напади од воздух на терористичките мети, како и заеднички воени вежби со другите воени контигенти кои Русија ги има распоредено во регионот.
