Министерот за внатрешни работи Агим Нухиу денеска имаше средба со претставници на Европската федерација на новинари, Европскиот центар за слобода на печат и медиуми и со претседателот на Здружение на новинари на Македонија Насер Селмани, соопшти МВР.
„На средбата со претставниците на Европската федерација на новинари, Европскиот центар за слобода на печат и медиуми ветивме дека вратите на Министерството за внатрешни работи ќе бидат отворени за претставниците на медиумите кои се залагаат за објективно и професионално новинарство. Сугестиите за поголема безбедност на вработените во медиумите и почитувањето на професионалното новинарство секако дека ќе имаат влијание врз повторно разгледување на мерките и активностите на МВР за почитување на оваа демократска вредност“, истакнал министерот Нухиу.
