Општина Свети Николе ОО СДСМ Свети Николе се едногласни за изборот на кандидат за Градоначалник. Целосната доверба му ја даваат на Сашо Велковски.
Според она што е наведено во неговата биографија, Сашо Велковски е роден на 16.06.1971 во Св.Николе. Магистер е по економски науки во областа на сметководство и ревизија. Вработен е во УЈП на работно место Раководител на одделението за услуги при Регионална дирекција Штип. Од досегашни партиски функции бил секретар на ЛК СДММ Св.Николе (2000-2006), Советник во Совет на Општина Свети Николе (2000-2001), член на Извршен одбор на ОО СДСМ Св.Николе (1998-2006). Граѓаните на Општина Свети Николе се подготвени за промени и очекуваат дека конечно ќе излезат од летаргијата и безнадежноста која владееше изминативе години, а тие промени единствено може да ги донесе СДСМ Св.Николе и она што ќе го понудат на изборите. Сашо Велковски го препознаваат како лојален и чесен човек кој со сигурност би ја добил нивната поддршка.