Утрово во просториите на РФМ се одржа седница на Управниот одбор, на која беа анализирани активностите на федерација во последните неколку месеци. Со големо задоволство првите луѓе на федерацијата истакнаа дека зад нас е плоден период, во кој Македонија оствари големи успеси на сите полиња.
Сениорите, младинците, клубовите, организацијата на Европско првенство во нашата земја и серија на комплименти се дел од сработеното. Претседателот Живко Мукаетов им се заблагодари на сите инволвирани во успесите.
Сакам да го поздравам успехот на сениорската репрезентација во квалификациите за Европското првенство во Хрватска. Браво за ракометарите и стручниот штаб, за организацијата и сите вклучени во проектот. Сега треба да се мобилизираме пред шампионатот во Хрватска. Сакам јавно да истакнам благодарност до
Раул Гонзалез, Сергеј Самсоненко и Вардар, кои ни излегоа во пресрет кога нам најмногу ни требаше, а и клубот се наоѓаше во важен дел од сезоната. Особено голема благодарност за селекторот Раул, кој ни се стави на располагање и постигна голем успех”, рече Живко Мукаетов
Македонија има успешна репрезентативна година, се пласира на сениорското Европско првенство, оствари голем успех на младинската репрезентација, а добро познати се и успесите на клубовите.
Минатиот месец во Скопје заврши Европското кадетско првенство во женска конкуренција со преодни оценки за организацијата.